Blog of Choyce

很好笑的電影, 蠻感人的, 有血有肉地反映現實中父母子女的關係和問題. 肥仔幾可愛丫, 嘻嘻嘻嘻嘻……

母親節聚餐前後, 到了幾個家庭探訪. 發現當人談話談得興起的時候, 會忘記了時間的存在. 發現不論接受探訪的人, 與探訪別人的人, 每個人的家庭背後都有很多不談不知的故事. 深切體驗到, 懂得體會家人的感受, 體諒容忍家人的言語行為, 是一個家庭要存在的基本條件. 每個人都有他存在的價值, 不論他說了些甚麼, 做了些甚麼.

這樣換個角度去看每個人, 每句話, 每件事, 也是一種學習, 一種教訓, 一種經驗的累積.

看似無關的事, 卻使我心裏釋然.

妖! 都唔明呢個人點諗既, 古肅到死, 人地肯嚐試, 擺心血時間落去準備, 點解唔俾d肯定同認同俾人, 淨係識得批評挑剔? 我地講一百句說話鼓勵佢地勇於嚐試, 都come唔到你講一句打沉人既說話咁大傷害性啦. 響你心目中只係有岩同錯, 冇嚐試, 冇過程, 冇成長? 好心你唔好成日都咁幼稚啦! 單細胞生物!

嘔血中.

終放砌好左條婚照片, 開始整果時, 擔心畫面會太單調同埋影像唔穩定. 不過上網搵到新娘鍾意既公仔圖片做背景, 又update左套software, 以前畫面唔穩定既情況已改善, 又多左豐富畫面既工具, 出左來個效果, 我自己都覺得幾滿意 @_@ 嗚嗚嗚… 希望對新人鍾意啦.

近來接了一項婚照影片製作, 把兩位新人的兒時照片, 用掃描器製作影像檔. 買了新的掃描器, 昨晚才有時間開封, 薄薄又輕便的掃描器~

掃描出來的影像, 可以自動起白邊, 還可一次過掃描多幀照片, 自動把幾張同時放在掃描上的照片, 分作幾個不同的檔案, 自動儲存.

掃描出來的照片比原照還要鮮艷奪目呢! 畢竟科技一日千里, 才幾百元的掃描器就有那麼好的質素, 好得太令人感動了, 嗚嗚嗚 @_@

電腦零件, 果然是愈遲買的愈好.

今天晚上到了舅舅家中協助表弟溫習考試, 在他們家吃了一頓住家飯. 話題都是離不開地震, 感嘆澳門實為一片福地, 即使慨嘆現在的澳門經已面目全非, 失去了很多從前大家都欣賞的東西, 但大抵也是個和平又少天災的地方.

人生也真是沒有甚麼東西是自己能操縱的. 往往就是出乎意料之外. 也許人生就是要體會到自己有多微小軟弱, 也許正如聖經"傳道書"所言, 人有限, 人連自己的生死都不能掌控, 人生所有都只是一場空.

飯後繼續和表弟溫習, 最後一題數怎也解不開, 人有限.

有一次, 買了一部二手的手提電腦, 就到黃金購買一些滑鼠的配件. 那時市面上開始有光學滑鼠推出, 眼見商店都擺出大堆閃閃發光的漂亮滑鼠, 於是就買了一個. 插在手提電腦使用, 用了很久都運作自如, 非常耐用.

後來買了一部新的桌面機, 仍舊用那閃閃發光的滑鼠. 用完電腦了, 關機, 誰知滑鼠的燈仍舊亮光, 原來桌面機關上了, 滑鼠插頭仍舊有電. 桌面機就在我的房間裏, 滑鼠的光芒使我難以入睡. 於是每天睡覺前例必要把滑鼠藏起, 以免不能入睡. “貪靚"這種人性, 真是害人不淺.

難得發光滑鼠"實力堅強", 好幾年了, 還沒有壞. 它壞不了就沒有藉口換新的, 實在無奈.

前天去買掃描機, 才狠下心腸選購一個新滑鼠. 現在的滑鼠又不同了, 多了很多無線滑鼠. 但在我的使用環境來說, 滑鼠有線無線分別不大, 於是仍舊買了有線滑鼠, 只是這一次買的是一個全黑的舒適滑鼠, 嘿嘿嘿…

用了那麼多年還沒有壞掉的發光滑鼠, 只好委屈一下, 被打入冷宮了.

尋晚去左幫手做教會個聚餐, 負責幫d來聚餐既家庭影全家幅. 係影阿鐘哥果下搞笑囉, 佢地成晚都有表演, 完左表演又要周圍去執返d細路埋位, 埋得位來又有其他節目進行影唔到相, 有時間影相果陣佢地又出左去攞獎, 攞完獎就更加俾人大包圍同佢地影相, 於是來來去去都等唔齊人, 直到差唔多散席先至搞掂. 不過佢地行catwalk真係好掂, 好鬼型, 真係抵佢地攞冠軍 ^o^

今朝一早八點幾去三盞燈出血買花, 買左八十蚊花, 返到教會紮好左, 九點幾諗住去佳力碰下運氣睇下佢有冇咁早開工, 又真係岩岩開門喎, 於是買左廿蚊花紙+紗+蝴蝶帶, 同淑芬一齊包左兩束花, 果然係兩個人包兩束花抵好多, 每束成本都係得五十蚊, 好抵呀 ^o^ 若然去花店買, 每束就要五百蚊喇. 包好左, 送俾媽咪, 佢笑得好甜呀 @_@

後記: 媽咪鍾意束花鍾意到唔捨得拆, 只係成束原封不動放響瓶上, 偶爾響花朵枝條間既空隙加水.

開始練習渣車去澳門, 去下西環, 去下高士德, 去下皇朝, 去下碼頭, 澳門d路仲窄過車房, 轉個彎都要就住偷太, 仲有好多意想不到既圈要兜添.

渣左一排, 由於行得慢, 成日俾後面既人"都", 不過佢"都"我, 就證明佢睇到我, 就更加唔洗理佢, 一於慢慢來, 佢再嘈我就再慢d, 吹咩? :p

梁洛施和楊丞琳演出的台灣電影.

講兩性關係, 人的弱點, 過去的種種隱藏傷痛, 災難帶來的遺憾等…

由於極度的傷痛, 尋找填補既代替品: 刺青. 當刺在身上痛著時, 內心的痛也許可以減輕一點點? (那麼穿耳洞, 或箍牙甚麼的都有相似作用了?)

戲中情節安排, 歷史一再重覆, 是要表達出同性戀不為世人接受的無奈無助吧.

梁洛施平日出show, 樣貌在我心目中都只是一般, 難得此戲中她卻很有英氣.