通常d編劇都好鍾意玩曲折野, 就係陳豪成日形住條絲巾係張可頤既, 偏偏可能最後發現唔係張可頤.
果幾句詩係深閏怨婦寫既, 我諗會唔會係鄧萃雯呢?

星期五晚果集寶嬋咪去搜鍾粹宮既, 最後寶嬋查唔到證據要收隊走人, 張可頤響
千分之一秒之間好含蓄地露出一個得戚樣, 然後又要keep住一副卑微既奴才相,
實在太好戲喇!!!!!

我發覺張可頤果個角色最難演, 佘詩曼木口木臉完全唔係果皮, 荔枝同埋鄧萃雯
都唔易演, 但係奸果時奸得太明顯, 又冇乜難度, 反而張可頤果個小人物角色,
做表情唔可以做得太明顯, 所以先至最難演.