對手套本來係福貴人送俾佘詩曼既, 但係係由林保怡拎俾佢, 佘詩曼就以為係林保怡叫福貴人造兩對送俾荔枝又送俾佘詩曼. 佢想向林保怡示威, 表達自己同黎姿係唔同既, 佘詩曼想安慰自己, 話荔枝係因為可憐, 乜都冇曬, 所以要接受林保怡對手套, 但佘詩曼就已經係一個被皇帝重視既妃子, 唔再需要林保怡.

妒忌就係可以令一個咁精明細心, 滿肚密圈既女人做出一d難以理解, 又蠢又笨既非理性行為.

我覺得我已經中曬呢套戲既毒. 之前有集講佘詩曼引起皇帝注意果一集, 佘詩曼有兩句係幾值得我參考,
佢話一個女人要博得男人既注意同歡心, 下乘之法係千依百順, 中乘之法係若即若離, 上乘之法係拒絕對方既要求.
上乘之法….真係冇用過. 我唔識用呀, 實在唔係呢類女仔.