林保怡返工收工都對住一大班女人, 但係個個都有自己既特色…
其實對每一個男人來講, 身邊都可能存在一班咁既典型既女人,
有d好似香浮咁善解人意, 好體貼, 又好識tum你開心, 同佢相處好舒服.
有d好似汪琳咁好識得欣賞你, 默默為你付出一切, 默默地等候你.
有d就好似福貴人咁, 你憐惜佢, 好同情佢既境況, 佢亦能成為你所敬重佩服既人, 亦係你所信任既好知己, 好朋友, 不過永遠唔會有同佢再進一步既諗法同企圖.
有d就好似荔枝咁, 靚!靚!靚! 其實唔一定係外表靚, 但係總之就有某d其他女人身上冇既吸引力, 令到你難以忘懷, 難以放下, 魂牽夢繫, 但係又苦於不能追求, 更枉論去擁有, 好無可奈何.
有d就好似佘詩曼咁, 正在以扭曲了的執著去痴戀自己, 但係好多時連你都唔知, 因為佢演技好, 對住你果陣一d都唔似鍾意你, 但係事實上佢鍾意你鍾意到死咁滯, 就算有一日真係知道左又點, 只會更加無可奈何.