去左珠海既海泉灣渡假村, 佢主要係浸溫泉同埋神秘島既機動遊戲

首先下午去玩神秘島既機動遊戲, 佢既過山車一開始就係噴射式高速出發, 我地開頭唔知, 排隊果陣睇到d人一出發就突然以高速開始, 都嚇左一驚. 我最鍾意佢個跳樓機, 一般跳樓機只係高速穿梭機彈上去或由高空無重下落, 但係呢個就兩樣一次過做曬, 去到最高果個位, 我地既坐位仲會突然向下移, 好新奇刺激呀! 我一路尖叫一路上到去最高個位, 突然望見遠處海面日落既景色, 我地一齊大叫好靚呀!!!! 都未叫完, 佢就開始無重下落, 我地又開始尖叫! 實在太好玩, 我玩左兩次.

溫泉我就第一次浸, 不過開頭我同另一個女仔怕醜, 唔肯俾d男士見到我地著泳衣, 後來都係俾佢地發現, 搵到我地, 都幾搞笑, 成班朋友浸埋一個大過浴缸少少既池入面, 研究d肚腩同傷疤, 諗起上來都幾得意.

 

 

更多相片

廣告