親戚長輩見到我最鍾意問既問題, 一定係: “有男朋友未呀?"
我答佢: “冇人追喎."
個長輩就會話: “點可能冇人追架, 又靚女又叻, 係咪眼角高呀?"
我阿媽吹水: “佢可能係有但係唔認姐!"
我阿爸搭咀: “我淨係知佢有好多男性朋友咋!"
我開玩笑咁講: “係喇係喇…可能d人見周圍對手太多, 唔敢出招." (大言不慚, 呢句說話響十年前講就或者得.)
個長輩就好認真咁話: “點得架, 你要俾d暗示俾人架嘛…."(下刪一千字)

— 為左以後唔會有人就呢個話題向我說教, 我換左個應對既方式.

親戚長輩見到我, 問問題: “有男朋友未呀?"
我答佢: “我追唔到喎."

鴉雀無聲, 半响, 長輩打破沉默: “哈, 今日天氣幾好喎…"

— 溫柔體貼又愛護我的長輩們立即轉話題. 呢招萬試萬靈, 從未失敗過.