上星期五晚去左西貢"全記"同舊同事食海鮮餐, 響旺角搭入西貢小巴, 半個鐘就搞掂~~ 去西貢行山就有幾次, 食海鮮就真係第一次囉! 所以唔係好識路搵果間野. 間野新裝修, 坐得幾舒服.

龍蝦幾鮮甜, 夠大隻就多肉可以咬下, 食完之後仲有好多手手腳腳未食得曬~ 我最鍾意佢既椒鹽賴尿蝦, 好香好脆. 盛惠三舊水, 我覺得好抵食既喇. 散席果陣經過樓下個果d"金魚缸", 哇! 見到隻賴尿蝦有成呎咁長, 咩品種呀??? 定係我眼花當左龍蝦係賴尿蝦?

更多相片