同班學生去黑沙青年旅舍宿營. 來過呢度幾次, 環境真係幾好, 鳥語花香嘛.

第一日請左志偉老師來講, 佢係做教師既, 所以提到好多現時既學生遇到既關係疏離, 單親, 虐兒等家庭問題. 班學生聽到之後有好深感受, 其實家家有本難唸的經, 每個人都會響屋企遇到問題同埋受到傷害, 但係通常都唔識得點去解決同尋找醫治, 呢d問題同傷痛就伴隨住佢地成長.

夜晚我地響宿舍外玩母雞捉雞仔同埋排隊捉人(唔知個遊戲名, 求其安個名係自己一睇就記得明白既就算), 總之就係要我呢個張近三字頭既跟實d十幾廿歲既學生走, 真係走到氣咳! 十幾廿歲既年輕人最勁既就係果種短時間之內身體既爆發力. 唔怪得人地踢足球呢, 廿歲既前鋒入到禁區時, 周圍係冇人追得到佢既.

第二日朝早去行山. 原來澳門真係有山行嫁, 有家樂徑! 我之前都唔知, 真背 -_-! 不過路程超短, 一個鐘唔洗就行完. 我地行黑沙龍爪角家樂徑. 有樣野幾得意, 就係條路有好多毛蟲吊落來路中心呀! 最搞野既係完左之後班學生話行山好辛苦, 以後行山唔好搵佢喎… 原來年輕係有爆發力但係又會冇乜耐力… 真係搞笑.

之後個個搬住兩支水一包炭沿著黑沙海灘行去石排公園玩遊戲燒野食, 原來最囉命既係呢程路, 呢幾日跑過行過對我來講唔算得乜野, 但係手臂到左而家都仲有d酸痛.

照例我會影埋曬d"唔等洗"既野.

更多相片