病左果陣響屋企休息, 訓又唔訓得耐坐又唔坐得耐, 想睇書但冇精神睇, 無意中睇到無線中午重播"師奶強人"呢套劇集既其中一集.

有一幕好鬼好笑, 講李克勤演既"小森", 職業係做車房修車. 有一日小森同女友去一間高級餐廳食飯, 叫左燒乳鴿咁上下, 好難鋸, 於是小森用手食, 佢女友話佢對手好污糟, 手甲全部都有黑邊, 小森話做車房修車既就係咁既啦. 佢女友問佢"有冇諗過將來點, 莫非一世做修車?", 小森咁樣回答: "如果我唔做修車, 咁可以做咩呢? 做渣車? 如果係我渣住架車撞左佢然後去搵人修理, 就不如係人地渣住架車撞左來搵我修理好啦!" 就響呢段對話之後, 女友就決定離開小森.

其實呢d野冇得分對錯既, 不過又真係覺得戲中既小森比較無辜囉. 職業無分貴賤, 呢個世界梗係要有人做修車, 或者做地盤, 渣巴士, 掃地咁既啦…