尋日一早起身, 睇捷克對加納既錄影, 唉, 一地眼鏡碎, 失戀都冇咁慘.

我好鍾意捷克d球員無論任何環境都係一有波就去到盡, 夠搏殺. 呢個對球迷來講係優點, 雖則對佢地自己來講好多時會變左缺點, 不過正如我唔喜歡意大利聯賽, 冇錯你係贏丫, 但係場波俾你搞到好鬼悶. 我知道捷克就算出到線都好危, 但係估唔到咁快輸俾加納囉.

睇睇下, 開始有興趣想睇 d 非洲球隊互砍, 唔知如果科特廸瓦對加納, 場波會係點既呢?

收拾心情, 黐返好眼鏡繼續睇啦.

Advertisements