終於睇到精華喇…YouTube好掂!

施丹踢到好似上身咁. 鬼咩, 場場都當正係最後一場波. 如果我做一件事, 或者同一個人傾計, 次次都當正係最後一次, 一定會盡力, 唔敢"那西", 一定會好好珍惜時間同機會.

更加重要既係, 巴西98年係輸左俾一個施丹, 但今次真係輸左俾法國隊. 否則點解施丹可以望都唔望就傳俾後面上來既人丫. 成隊法國隊踢得最差既係亨利, 但係佢就係入到果一球. 真係吹佢唔脹.

終於知道係點輸法, 都好, 尋晚臨訓仲有d忿忿不平, 而家可以安心訓喇. 巴西唔好喊, 四年後見囉.