C朗下下掂波都俾人噓, 可以拎"金噓獎"囉~ 呢個小朋友係鍾意個人表現一d, 孩子氣一d, 都幾可愛丫.

其實只要佢唔好太自我, 唔好成日自以為是, 識得欣賞人地既優點, 肯虛心學野的話, 以佢既天份必定可以有好好既成就. 可惜佢響曼聯跟住傑斯又學唔到傑斯d好野, 踢國家隊跟住費高又學唔到費高d好野, 盞浪費左自己既時間同才華.

好似葡萄牙對德國場波, C朗將好多"落花流水"插滿整個球場, 又用奪命交叉彈弓後腳交個波俾德國既前鋒高佬C, 到左比賽後段, 佢既隊友已經唔再信任佢, 唔再交波俾佢. 恐怕如果佢真係去皇馬呢個咁多大牌球星既地方, 佢自己又年少年氣盛, 同其他人未必能夠好好合作, 更加難學到野. 希望佢識得反省下自己既問題響邊度, 我盼望睇到佢成長, 踢多d好波.

至於施丹, 冇錯佢用個頭頂人係唔岩, 身為隊長冇顧全大局係嚴重錯誤, 不過佢都係人來既姐, 梗會有情緒, 梗會犯錯, 只係咁岩得咁橋係佢最後一場波, 又咁岩得咁橋佢犯既錯, 對互射十二碼可能有d影響, 但影響都不至於咁嚴重丫, 至少物理上冇影響. 冇施丹法國根本冇可能入決賽, 老施丹打到加時都仲可以頂到個中楣既波喎, 十二碼唔入果球又唔係高出, 中柱咋喎. 一球波中柱入就係金球, 中柱唔入都係一線之差姐. 法國根本就冇輸, 就算輸都唔係施丹既責任, 只係咁樣告別球壇, 瘀皮左些少姐.

阿叔榮休講果句"無怨無悔", 真摯之餘, 仲好幽默抵死添, 聽到既人腦海即時浮現剛才施丹紅牌出場既一幕.

Advertisements