而家真正體會得到, 開心, 浪漫同埋愛情, 可以完全分開. 你要真正既開心咩, 愛情既目的唔係開心. 你要真正既愛情咩, 就唔好要求浪漫. 你要浪漫咩, 浪漫同開心通常唔係同時出現, 亦唔好由愛情裏面搵浪漫.

開心, 應該由朋友俾你, 唔係情人. 如果你有情人, 你要令佢開心, 而唔係等佢令你開心. 如果你要令情人開心, 首先你自己要成為一個開心既人.

愛情, 已經被電影電視小說嚴重渲染(電車男故事除外). 唔好意思, 真正既愛情, 係忍+受+谷+捱+完全放低自己. 想有愛情就要撫心自問一下, 自己係咪真係肯完全改變自己. 冇愛情一d都唔係問題, 等你有果陣, 你就會真正明白, 原來呢個世界真係有d問題係永遠都解決唔到.

浪漫, 對我來講, 只係可以由村上春樹, 王家衛, 以及Chet Baker裏面搵到. 即使你認為世上仲有浪漫既男人, 都唔好期望你喜歡既人/你既情人係.

我將我對浪漫既睇法向一位男性朋友分享, 佢聽完之後話: “你受左咩刺激呀!?" 可能我真係曾經受過d咩刺激? 不過既然結論係咁, 過程係點就唔重要. 有種你咪試下改唔改變到我既諗法囉 :p