終於睇左呢套戲, 一套97年既科幻片, 探索人對地球以外既文明及神既睇法, 同埋當人得知外星文明既存在時既種種反應. 題材來講算係比較少有.

個人覺得茱廸科士打做得真係唔錯. 另外較特別既係居然有當時既克林頓總統"客串".

幾個造景拍得幾靚. 果架以外星文明所傳送到地球藍圖製造既機器, 令我諗起龍珠既圓碌碌太空船😄 最緊張既係果架機器開始運作果陣, 令人好期待想睇下究竟呢個機器會發生咩功效, 但又搞左半日都未到發生功效果個位.

kass話地球人冇理由會咁傻, 照住外星文明所給既藍圖去製造一架唔知有咩功能既機器. 冇錯呢個係一個好冇常識又不通世務既犯駁位, 地球人絕對唔會傻到肯動用咁多人力物力, 去做一樣唔知有咩功用既野. 不過套戲其實最中心想帶出既信息, 並非響技術層面之上, 而係要探索人既諗法, 對假若存在外星文明既種種不同反應, 對神既觀念等, 如果由呢個角度去睇, 呢套戲描述得幾細膩, 而且又留左好多空間俾人諗, 算唔錯喇.