有次兩個小妹妹問我係要搵一個點既情人. 其中一個話: “我估你多數都係要搵個愛你多過你愛佢既人既啦!"

細路女諗野果然係單純d.

我就冇直接答佢地, 因為我都唔太確定自己想點. 不過至少, 我認為如果我愛我既情人多過佢愛我, 咁就代表我真係好鍾意佢啦, 哈哈哈, 講真, 我又唔介意喎! 呢個都係一種幸福來. 況且, 何必要求對方愛自己多過自己愛佢呢? 都係相向好d, 最緊要大家都有心玩落去, 但無須成日將自己同對方付出幾多野去比較.

反而一直以來我都好懷疑, 自己係唔係一個願意安定落來既人. 點可能修心養性為一棵樹放棄成個森林? 我真係好懷疑自己肯唔肯.

恭喜大廖就來做老豆, 話咁快就去到呢個層次, 我家陣都仲係甩繩馬騮一隻咋.