上呢一堂, 大費周章, 因為要班一堆焗爐返來用, 最後借左四個爐, 分兩日收集左去我屋企, 然後尋日一次過送去教會.

吸取左上一堂既教訓, 加上日前小蜜蜂一句"要識得幫助果d想幫助你既人", 我今次畫好曬floor plan, 有利於幫我既人設定場地. 買左三條拖線返來, 剛剛好夠四個爐及十部打蛋機使用. 加上事前先分好材料, 課堂總算在預算之內完成. 感覺係好似有天軍天使來左幫我手咁樣, 實在係難得既體驗.

聽到學生講話上一堂個藍莓好好味, 覺得好感動, 果種感動, 同自己整好味既蛋糕比人食之後俾人讚既感覺, 完全唔同. 呢個課程都未上完一半, 學生就問幾時再開班喇.

開始睇到學生之中有人需要我關心, 搵到入手既地方, 呢個係我最大既期望, 希望能夠捉緊呢個機會.

下一堂要等我由廣西返到來先至再上, 呢兩日總算可以暫時休息下.