搭巴士整親膊頭, 痛左一日, 於是打鑼咁去問人搵相熟跌打. 差唔多問曬全世界既人, 誰知打親電話去d醫生度, 個個都話放緊新年假, 未開始營業.

問到其中有一個係冇電話, 查黃頁都冇, 唔知有冇開. 於是小蜜蜂同我去搵醫生, 不過個時間都真係好夜下喇! 都差唔多夜晚八點咯, 我心諗, 今次實凍過水啦. 去到, 果然冇開門. 我正諗住放棄走人既時候, 小蜜蜂見道門後面有開燈, 就拍個醫生門. 門打開, 原來係醫生個老婆同d親戚打緊麻雀喎. 小蜜蜂話我整親手, 問佢可唔可以叫醫生來睇睇.

原來個醫生仲放緊新年假, 根本未開業. 但小蜜蜂問醫生可唔可以來幫我睇, 醫生又真係肯食完飯之後返來幫我睇隻手喎.

好彩我唔係骨折, 只係靭帶受傷, 呢幾日小心d, 好快就會冇事既喇 ^o^ 好彩今次小蜜蜂係度, 如果我自己去, 以我咁硬頸又閃縮既性格, 一定搵唔到個醫生. 咁個傷都唔知要拖到幾時咯.