由細到大過過無數咁多個二月尾. 但係而家因為呢個教會既伴你高飛讀經計劃, 以致今年既二月尾令我有點兒"徬徨"既感覺…er…又未至於徬徨, 不過有些少困惑.

套書假定左每個月至少都有三十日, 而我平時係睇快人地三至四日進度既.(呢個係我讀經既習慣, 一有時間就會睇多一兩日既進度, 以免有時有d危急情況會拖慢左嘛, 根據我多年靈修讀經既經驗, 咁樣係可以保持進度既好方法.) 而家二月尾少左兩日, 咁以後進度快左既我, 要寫講章時, 要計算到正確既進度豈不是好麻煩囉? 定係我應該以後都扣返兩日, 直到過左五月三十一號先至補返差左果兩日呢?

另一個問題就係我睇緊既Operation World, 由於我習慣一日睇兩日既內容, 預料本書可以在六月底去Campus Misson 2007之前完成. 今日已經睇到4月23日既內容喇, 不過又係發覺, 二月尾少左兩日, 如果我真係想三月前睇完Operation World四月份既內容, 又好似少左好多時間咁.

呵呵呵…純粹小節取巧既問題, 不過都幾有趣. 原來二月差左兩日, 係可以引發我諗到d咁既無聊問題, 真係啼笑皆非.