來上堂既學生當中, 有師奶, 有OL, 有少女, 仲有d男仔. 話說尋日既課堂係整曲奇餅, 個個學生自行發揮曲奇餅的造型.

有個師奶好鬼勁, 搓粉仲搓得快過我靚過我, 一定係平日響屋企成日自製湯圓煎堆之類, 真係一山還有一山高, 睇到我目瞪口呆.

d少女真係好鬼死有心機, 我都係求求其其用幾分鐘時間整d公仔樣出來, 但佢地可以搓成個鐘, 成堂課好似響度玩紙黏土咁, 以為尋日堂課實快搞掂, 點知最後都係過左鐘. 好彩我未出殺手揀"朱古力筆"俾佢地玩, 否則一定玩到今朝.

有個男仔焗左一盤塊塊圓碌碌, 大小均勻, 一望就知異常香脆既靚餅. 大家望住佢d餅, 垂涎欲滴, 並且開始講笑: “靚仔, 睇你個樣應該有好多女朋友, d餅分俾你咁多個女朋友應該分唔勻既喇, 等我地幫你食d~~~"