香港出左幾個大笑話, 真係睇到我忍唔住笑.

馬力, 一個字講曬, 蠢!

中大學生報我冇睇過, 我唔會講. 我淨係知, 件事不免搞到周圍中大既學生冇面, 俾人笑, 然後又搞到成個香港既人又齊齊冇面, 齊齊俾人笑囉. 野係你寫既, 人地點評你, 係人地既事, 但種瓜得瓜種豆得豆, 文責自負, 都好天經地義. 走去投訴呢樣投訴果樣, 企圖衝擊評審機制, 可能真係可以令話你唔岩既人反省, 但又會唔會有d自打咀巴? 你唔鍾意人檢你, 你又何必要檢人? 小朋友, 你地好直率, 未識得保護自己. 將來你地大個仔, 諗法就唔會再係咁天真. 為你地無悔既青春乾杯.

聖經我睇過六七次, 點都有資格講啦下話! 我暫且唔理投訴人有冇道理, 有冇去錯地方投錯訴, 亦唔理香港影視處既真正功能, 以及有冇資格決定檢唔檢. 不過如果話聖經"並沒有違反一般合理社會人士普遍接受的道德禮教標準", 咁我就真係想搞清楚, 呢句係咩意思先? 喂喂喂, 耶穌話冇病既人唔需要醫生, 有病既人才要. 人就係要了解自己既有限, 先至知道自己需要神喎. 聖經就係講人有幾衰, 有幾唔掂, 有幾自私自利, 有幾自大, 有幾賤格, 有幾食古不化, 有幾陰險毒辣, 有幾墮落. 所以聽到你講呢一句對聖經既"評語", 我真係有d滴滴汗, 又有d唔好意思囉. 究竟講呢句野既人對聖經認識有幾深? 根據乜咁樣講? ok, 我可以嚐試由聖經作者既寫作目的, 和聖經內容實際上如何引導人的生命改變, 作為你呢句說話既根據. 但你呢句話能適切回應投訴人對聖經"不雅"既內容既觀點咩? 滴滴汗.