沖涼時, 摸摸自己頸部既皮膚某個位置, 有好似曬傷既感覺. 果個部份響下巴之下, 唔會見光, 所以當然唔會以為係曬傷左啦. 不過摸落去既感觸令我諗起以前細個果陣, 手臂關節位既皮膚因出汗而發炎, 都幾個月先好得返, 我懷疑今次係頸部皮膚因為酷暑多汗而發炎.

我向來都好用心護理皮膚, 每日沖完涼必定塗護膚露, 由頸塗到落腳指尾. 不過我懷疑響頸塗護膚露, 加上我平時只係用風扇, 夜晚訓覺有d位吹唔到, 所以條頸焗汗, 於是發炎…?

沖完涼, 用照一照鏡, 睇睇頸部, 的確係有一片紅腫, 原來係俾蚊針~ 我車! 一場虛驚.