記得以前受訓上課時, 牧師一次教課中問: “你地覺得魔鬼撒旦應該係點樣既呢?"

同學們試著回答:

“有對角." (你俾飛越十八層影響左喇)

“有對長既牙." (你睇得太多殭屍片喇)

“條尾有個叉." (你睇得太多廸士尼既卡通喇)

“似條蛇." (你…算你有d料到, 不過…)

當時既同學都覺得魔鬼外貌應該係好恐佈核突. 但我看法卻和大家不一樣.

其實我覺得真正既魔鬼, 往往是最難由佢既外貌辨認出來. 我相信, 魔鬼真正既樣我地好難睇到, 但如果魔鬼企響我面前, 極有可能係一個靚仔有型玉樹臨風風魔萬千少女既男性, 或美麗可愛天使臉孔魔鬼身材索到風魔萬千少男既靚女.

魔鬼最叻係乜? 就係假. 假人假心假情假意假話.

所以, 我唔要再聽你既大話. 死開啦你.