你搞唔掂個爛攤子就想用錢收買人心? 乜原來澳門人響你心目中只係一種見錢開眼, 有錢就任你魚肉既動物? 係唔係用錢就可以掩住澳門人把口, 受咩委屈, 甚至做埋二等公民, 都唔再反抗?

我都好希望你果雞碎咁多既現錢可以營救貧困家庭一天半日. 可能咁真係可以幫到佢地. 但我覺得咁樣合埋眼係人都派錢, 比起長遠有針對性既施政相去甚遠. 我地需要既唔係一個豪爽的暴發戶政府, 而是應洗則洗應慳則慳.

連最基本應做既野都做唔到. 叫你做好d整肅貪污, 做好d教育, 搞掂d交通問題, 又唔見你真係做到d咩出來? 點解d私校教師叫你加人工果陣你就話"而家加左你人工, 咁第二時經濟唔好點算先?" 但又咁豪爽洗錢派糖收買人心? d老師社工護理界人仕日日同你捱生捱死執手尾, 你有冇俾返幾分尊重? 人地d國家唔食飯都要做好教育, 你口頭上給學生免費教育, 實際上卻克扣老師工資, 咁真正賣大包做緊免費教育既應該係d老師, 而唔係你.

冇水準又只係識得用旁門左道做疏通, 豈不落人口實話你係由裏面"腐"到出來?

真係火都來埋, 你都係想逼我地上街遊行示威咋下話?