公司部電腦又中毒, 今次係系統日期既年份會無喇喇由2008年變左2003年, 改返佢做2008年之後, 唔洗好耐又會自動變返2003年. 唔係下化, 我已經好少用ie睇街外既website, 係最近用過一兩次, 咁都會衰左? 實在愈來愈憎M$

由於公司電腦被電腦部(其實即係我自己個部門)限定左個anti-virus為某牌子又大食又話掃就掃又查唔出病毒又唔update個config又被鎖死完全控制唔到既所謂防毒軟件, 搞到我對住電腦有病毒都唔可以做返相應既處理程序, 無奈自己又好清楚負責整電腦個條team既人都好唔得閒, 唯有自己搵辦法.

最後俾我上網搵到有條友話呢種情形可以試下改自己部機設定, 唔俾任何user有改日期既權限. 我照做, 果然日期冇再跳喇, 不過鐵一般既事實就係部機有病毒. 根據我既經驗, 每當發現部機有小問題個陣, 就係大件事既先兆, 係時候去買返個external Hard Drive, 快快抄起曬data.